Sacred Congregation - Godefridus Dayez

Page 1

2023-06-23 / 732 Prot. N.3641/52 Beatissime Pater, D. Godefridus Dayez, Abbas-coadjutor Monasterii S. Benedicti de Maretiolo, Congregationis Belgicae Ordinis Sancti Benedicti, ad Pedes Sanctitatis Vestrae humiliter provolutus, exponit quae sequuntur: Idibus proximi mensis augusti, delegatione habita a Rev-mo Abate Praesidente Congregationis Belgicae, crator praesidebit electioni capitulari Prioris Conventualis de Glenstal in Hibernia. - Jamvero, inter candidatus ad munus Superioris sunt etiam monaci aetatis canonicae deficientes, cum agatur de monasterio ab anno 1927 fundato ubi monaci indigenae paulatim aggregati sunt. Quattuor inveniuntur candidati "possibiles" inter capitulares, de quibus tres nondum decem annos perfecerunt a prima professione monastica et unus mense januarii anni 1923 natus, insuper quinque mensium aetatis canonicae deficit. Et quidem 1) P. Paulus Mc Donnel, natus 24-XII-1921, professus 6-I-1945,2) P. Augustinus O'Sullivan, natus 21-X-1916, professus 10-IV-1947,3) P. Gregorius Barry, natus 4-IX-1908, professus 5-IV-1948,4) P. Franciscus Mc Henry, natus 26-I-1923, professus 6-I-1945. Ad evitandas diversas difficultates in mora, crator humiliter petit gratiam peculiarem apostolicam ut possit, nomine Sanctae Sedis, dispensare super defectu professionis et aetatis, ad confirmandum electum forsitan talis dispensationis egentem. Et Deus, etc. Vigore facultatum a Ss-mo Domino Nostro concessarum, Sacra Congregatio Negotiis Religiosorum Sodalium praeposita, attentis expositis, Rev-mo Abati cratori benigne committit ut petitam dispensationis gratiam super defectu professionis et aetatis, pro suo arbitrio et conscientia concedat, dummodo confirmandus duas tertias partes suffragiorum obtinuerit aliisque qualitatibus polleat et coetera servanda serventur. Contrariis quibuslibet non obstantibus. Datum Romae, die 19 iulii 1952.