Cardinal Gasparri on Gregorii
Official document
Details
- Monastery
- Glenstal Abbey, Murroe
- Subject
- Monastery, Monks, Religious Life
- Creator
- Glenstal Abbey
- Place
- Murroe, Limerick, Cashel Diocese, Diocese of Cashel
- Language
- English
Annotations
Rights
- Attribution
- [Click to edit attribution]
Related Items
Extracted Mentions
People, places, and terms identified via handwriting recognition and named entity recognition.
People
- Ryan(1)
Sample passages
- JACOBO D. RYAN.
Full Transcript (OCR, 1 pages)
Machine-generated OCR transcript. Handwritten material may contain recognition errors.
Page 1
BENEDICTVS PP. XV DILECTE FILI, salutem et apostolicam benedictionem. Venerabiles Fratres Eduardus Patritius, Archiepiscopus Sancti Joannis Terrae Novae, eiusque suffraganei, Episcopi Fortus Gratiae et Sancti Georgii, amplissimis verbis tuas laudes concelebrantes, te nobis commendant ut virum integritate vitae et pietatis studio praestantissimum, et omnibus nominibus dignum qui singulari Pontificiae voluntatis significatione cohonesteris. Ex luculento huiusmodi suffragio comperimus, te, gubernii senatorem, publici muneris dignitatem cum germana erga Apostolicam Sedem fide sociare, catholici nominis res alacri pectore provehere ac sospitare, conspicuas bonae causae Ecclesiaeque Dei utilitates praebere, tandem munifica largitate scholas christianas sacrasque expeditiones adiuvare. Ut igitur, enunciatorum Fraesulum votis ultro libenterque concedentes, non impar virtuti premium tibi exhibeamus, quo propensum pariter erga te gratumque animum Nostrum testemur, his te Litteris EQUITEM COMMENDATOREM ORDINIS S. GREGORII MAGNI, CLASSIS CIVILIS, eligimus, facimus, atque in ornatissimum eundem Equitum coetum adsciscimus. Tibi proinde concedimus, ut propriam Equitum huius Ordinis et gradus vestem induere, ac proprium item insigne gestare queas, nempe maioris moduli Crucem auream, cotogonam, rubra superficie imaginem S. Gregorii Magni in medio referentem, quae taenia serica rubra, extremis oris flava, collo circumducta, dependeat. Tandem, ut iteratum itemque singulare tibi sit benevolentiae Nostrae pignus, largimur, ut etiam huius Ordinis et gradus proprium NUMISMA ARGENTEUM, ad pectus sinistro lateri innexum, deferre valeas. Ne quid vero discriminis tam in veste, quam in nomismate et Cruce huiusmodi gestandis contingat, appositum schema ad te transmitti iussimus. Datum Romae apud S. Petrum sub annulo Piscatoris die XXVII mensis februarii anno MCMXIX, Pontificatus Nostri quinto. P. Card. Gasparri a Secretis Status DILECTO FILIO JACOBO D. RYAN. 2023-06-07/616